شالله يامحمد يامرسي وحدووووه يا احمد ابو بركة يابو قميص ستان اسود في اسود

اصحاب المؤخرات السمينة من عواجيز الفرح الاخواني اللي كانوا بيحلموا ومنتهي حلمهم مش يستوعبوا التغيير الحقيقي في التربة والمناخ السياسي والاجتماعي المصري بعد ثورة 25 يناير وادراكهم ان قطار الثورات العربية سبقهم وانهم تأخروا عنه بسبب جهلهم وتخلفهم الثقافي والفكري والسياسي وانهم مش عاوزين يواجهوا انفسهم انهم فشلوا من الاربعينات في تفهم طبيعة المصريين وظلوا يحلموا كل حلمهم انهم يفتحوا مقر رسمي للاخوان ( اتفتح في منطقة مهجورة في المقطم خوفا من انهم يفتحوه وسط الناس لانهم بسبب خطابهم المتعالي والمتكبر واللي فاصل مع الناس والجمهور والشعب حتي اختيار المقر بتاعهم في المقطم بيعكس الحالة النفسية التي تطابق واقع مشاعرهم المعادية للشعب المصري بدليل ايضا موقفهم من الثوار اصحاب الفضل عليهم )...عاملين زي الطفل اللي قعد يبهدل الدنيا ويعيط سنتين ومحدش عارف ليه هو بيعمل كده ويسألوه طوال سنتين يابني عاوز ايه واحنا نجيبهولك بعد سنتين تنحنح وتكلم وقاللهم عاوزكازوزة فاضية !!)

يعني بعد 80 سنة ينحسر حلمهم الا عن مجرد مقر يتحط عليه سيفين ومصحف ويكتب اسم الاخوان بدلا من انهم يغيروا من طريقة تفكيرهم ويناقشوا اسباب الخيبة بالويبة اللي خلتهم متخلفين عن عقلية مفجري الثورات العربية من شباب الفيس بوك رغم انهم في الساحة بقالهم 80 سنة وفشلوا انهم يعملوا ربع ثورة او تمن ثورة او واحد علي عشرة ثورة وصلحه !!..

بدلا من ان يحتووا بين اجنحتهم شباب الثورة الجديد ويدوله فرصة ويراعوه يقوموا يحاربوهم في اكبر خيبة ليهم ويواجهوهم ويكفروهم ويتهموهم بالخروج علي الاسلام وحتي شباب الاخوان المحترم اللي شارك مع شباب الثورة منفردا بعيدا عن قياداتهم من عواجيز الفرح اصحاب المؤخرات السمينة من كتر القعدة علي الكراسي القيادية ومش عاوزيم يعطوا الفرصة للشباب وهمه يشوفولهم جمعية للمحاربين القدماء يتسلوا فيها  ويسيبوا شباب الاخوان المحترم يقود المرحلة بعقلية منفتحة شباب الاخوان ده اللي حل مشكلة الاخوان التاريخية انفصالهم عن المجتمع والشارع  والجمهور وعن المصريين يقوموا يفصلوا شباب الاخوان يقولوا احنا مالناش حد في ائتلاف شباب الثورة وتنكشف الامور بعد كده ويدلي واحد من شباب الاخوان تقريبا اسمه القصاص تقريبا تنقل عنه جريدة الشروق ان الاخوان قرروا الانسحاب من ميدان التحرير في الاربعاء الدامي اللي حصلت فيه موقعة الجمل بعد رسالة تحذير من احد قيادات امن الدولة لانهم هيصفوا الثورة حسب تخطيطهم يوم موقعة الجمل فقرر الاخوان الانسحاب بالفعل لكن شباب الاخوان رفض الخنوع والخضوع لقيادات الاخوان ..........؟؟؟؟!!!!

والكلام ده نشر في الشروق وفي الفضائيات.....

وحتي هذه اللحظة كل مواقف الاخوان مكشوفة زي واحد اراد ان يستخبي من قريبه اللي في الحجرة فاراد ان يغير ملابسه فطلع في البلكونة يقلع ويغير ملابسه امام جمهور الشارع !!!

صفقة عمر سليمان السرية مازالت سارية وحاكمة حتي اليوم .....!!

همه بيراهنوا دائما علي السلطة وفي النهاية السلطة بتستخدمهم لضرب الجميع ثم تضربهم همه في مقتل وكم تكررت تلك اللعبة فهل فهموها...ابدا..

مفيش مرة يلعبوها لصالح الشعب مرة واحدة !!

المهم واحد اسمه محمد مرسي  مرسي مش بالفرنساوي يعني شكرا لالا ..مرسي هنا زي انجليزي ده يامرسي ؟؟ مرسي رئيس لجنة الحرية والعدالة في تنظيم الاخوان نزل شتيمة في شباب الثورة والفيديوهات بتاعته منتشرة علي الفيس بوك واليوتيوب زي صبحي صالح ( 4/2/4) !!

لا وايه واحد طلع مرة يكاحر رغم جهله اسمه احمد ابوبركة كان في حلقة علي الأون تي في مع استاذ قانون محترم اسمه دكتور حسام عيسي قعد ابوبركة كان لابس قميص ستان اسود متعرفش جايبه منين بيلمع كده يظهر انه لبسه غلط قعد يناطح في استاذه واستاذ الاجيال د.حسام عيسي ...ايه المسخرة دي انت مين انت علشان تتكلم في القانون الدستوري يابوقميص ستان ..اخصي ي ي ي !!

طيب يابوقميص ستان ! 

ترشيح العوا...وتحذير جدتي الله يرحمها ..كانت بتقول وانا طفل ( اوعي تطلع برة البيت للعوا تاكلك ) واهو حصل كان قلبها حاسس .؟؟

ايه ده...؟؟
هي المشرحة ناقصة جثث...!!
افهم ان العوا يترشح لرئاسة جمعية خيرية ..ماشي.. يترشح لرئاسة جمعية زراعية ..ممكن ؟؟...يطلع يوم الخميس يقرا علي الاموات في طلعة رجب وفي المواسم ماشي..لكن يترشح...........لرئاسة.............الجمهوووووووووورية ......................................................
حراام والله ...
واحد كل ميزاته انه شاطر في الرغي..عمال علي بطال..ومابيفصلش..ومغرور وحاسس انه سيد الموقف ..مش موقف احمد حلمي لالا... 
لا وايه كان رجل المهام الخاصة ايام امن الدولة المنحل دايما يكلف بادوار واخرها تعبئة حملة ضد الكنيسة ورجالها وضد الاقباط بصرف النظر عن موضوع الحملة لكن سيدنا الولي العوااا كان مكلف من قبل ( امام الامة حسني مبارك رضي الله عنا ).وكان العواا بيعتبر اي مهمه مكلف بيها من امن الدولة المنحل هي مهمة شرعية لمصلحة الامة  ( علي فكرة دي مصلحة حكومية !! )...
كمان الاخوان زقوه علشان يعالج مشكلة داخل الصف الاخواني بعد خروج وترشيح ابوالفتوح فعلشان ( طبقا للفلكلور الاخواني ) يجمعوا الصف علي راي واحد زقوا العوا  وفي الاخر ومن الآخر الاخوان كما عهدنا منتظرين التأشيرة انهم يقفوا مع مين ؟؟
والراجل  اللي اسمه العوا سيدنا الولي اللي جاي يفك سحر رئاسة الدولة اللي عمله مبارك وشبشبت عليه الحاجة سوزان ان محدش يقعد وراه يقوم الجني بتاع السحر قال لازم اللي يقعد في كرسي الرئاسة واحد اسمه يخوف ...وقد كان !
هنيالك يا عوا من دلوقتي 
وسلملي علي مترو مصر الجديدة ! 

جمعة الكحة 27 مايو كلنا كحينا ضد الحشرة ضد النار ضد الاخوان وكحة الغضب مع اللي مايتسماش صفوت حجازي محسن راضي والجيل بتاع عصام سلطان وصبحي صالح دي خلطة اعشاب فاسدة مش بني آدم والباقي ترللي !!

جمعة الكحة ...27 مايو..كان الكل بيكح وانا اولهم لغاية ماصدري استريح لاول مرة بعد الثورة ..الكل كان بيكح ضد الاخوان والشعب يريد اسقاط دولة الاخوان !!

ياريت الاخوان ينسحبوا من السياسة كفاية التاريخ الاسود من يوم نشأتهم في 1928 مشفناش يوم حلو علي ايديهم دايما ضد الناس والشعب.. دايما يتواطؤا مع اي سلطة ضد الشعب .....

فاكرين لما تواطئوا مع اسماعيل صدقي الدكتاتور ضد كل الاحزاب وقالوا عنه نفاقا وتزلفا الاية القرانية ( واذكر في الكتاب اسماعيل انه كان صادق الوعد..)

اتهزئوا يوم الجمعة أي والله..

 وشباب المتظاهرين هتفوا ضد الاخوان وراحوا في محافظات مصر زي قنا راح المتظاهرين امام مقرات الاخوان وهتفوا ضدهم 

بصراحة يوم الجمعة كان الضرب ليهم بالجزم والاحذية من كل صنف ..

الناس قرفت منهم

انتو مالكو تطلعوا بيان تتهموا فيه شباب الثورة بأن ضد مصر وضد الاغلبية 

هو الاغلبية عينوكوا حراس علييهم واللا انتوا اوصياء علينا وعلي الشعب المصري

نفاق ياخي للسلطة الجديدة

ده حتي المجلس العسكري ماتهمش الشباب باي تهمة وقال انه من حق الشباب انه يتظاهر

وتعالوا شوفوا في التوك شو قالوا ايه

واحد زي عصام سلطان اخوانجي سابقا فاشل ولايملك اي موهبة غير انه كان في قعدات الاخوان السرية بيفتتح الجلسة بخاطرة فافتكر انه ممكن يكون ليه دور في الحياة العامة وهو لانه اخوانجي سابقا فبرامج التوك شوتستضيف لزوم القرف الاخواني

ومعاه ابوالعلا ماضي ماسح الاحذية الاخوانجي الفاشل 

كلهم بيهاجموا المتظاهرين يوم 27 مايو

انتوا مال ابوكو والثورة 

انتو ليكوا دور

ولا التاني القاتل السفاح ناجح ابراهيم وهو وكل بتوع الجماعة الاسلامية اللي وصل انهم يكتبوا تقارير امن دولة في بعض

قال ايه ياخويا مش نازلين الميدان يوم الجمعة والاعلام قال ايه طب مقاطعين مظاهرات يوم الجمعة

اللاه

مال ابوكو ومال مظاهرات يوم الجمعة او حتي ثورة 25 يناير

انتوا في ادبياتكوا بتكرهوا الشعب المصري وبتكفروا الناس وفشلتوا وابحتوا القتل باسم الاسلام وخنتوا بعض في السجون وبعتوا القضية واستفدتوا جامد من شباب مصر الوطني النقي اللي منقطع الصلة بيكوا واللي قام بثورة 25 يناير

وبقيتوا دلوقتي احرار بسببهم

ياخويا ياريت متنزلوش 

نزلتوا منزلتوش هو اصلا حد حاسس بيكو ههههههه !!

ولا واحد عرضحالجي فاشل اسمه محسن راضي

يحلف بالله ان الاخوان قرروا يوم 24 يناير ينزلوا الميدان يوم 25 يناير لدرجة انه بسلامته كان مريض وعنده درجه حرارة مرتفعة فاضطر للنزول لتنفيذ قرار الاخوان بالنزول يوم 25 يناير

ياراجل

تف من بقك برائحته الكريهة

الرمة

بطلوا كذب

بترفعوا راية اسلامية وبتكدبوا

حراام عليكوا 

والناس كلها عارفة النفاق بتاعكوا للنظام قبل 25 يناير لما هاجمتوا الشباب اللي نازل وعصام " العريان " ادلي ( مش بلسانه ) وقال لافض فوه ان الاخوان قرروا مقاطعة المظاهرات وبلاش ازعاج للسلطة ولو عندهم طلبات يقدموها للنظام 

وعملوها والله قبل كده في 6 ابريل لما اول حركة شباب وبتوع المحلة قرروا النزول في 6 ابريل الاخوان هاجموهم برضه فلما نجح يوم 6 ابريل لاول مرة في عهد النظام قرروا يعملوا يوم خاص بيهم بعده لاضراب فشل ومحدش راح معاهم

ولا صبحي صالح بتاع الكوالح

وما ادراك ما صبحي صالح

لما اختاروه لارضاء الاخوان وشراؤهم افتكر انه جهبذ قانون بس مش القانون اياه لا هو عازف فاشل علي آلة القانون

اسهال كلام

ياريت يعمله " جلبة " تمنع الكلام يخر منه وهو ماشي ..ماشي

وبالمناسبة لما فتحي سرور النظام الحالي اللي اسمه طارق البشري اللي هو الآن بيقوم بترزي القوانين ويفصل التعديلات علي هواه ويمنع المصريين بالخارج من حق الترشيح لرئاسة الجمهورية بأسوأ من نظام حسني مبارك لدرجة انه اضاف اللي متجوز اجنبية لقائمة الممنوعات من الترشيح ويكتب مقال فاشل يهاجم الناس اللي بتقول لا من الاول لفكرة التعديلات بتاعة حسني مبارك وكان راي اللي بيقول لا انه اعلان دستوري الاول يعقبه جمعية تأسيسية تضع دستور جديد لنج لأن التعديلات دي هي عملية احياء لدستور 1971 اللي سقط بمجرد قيام ثورة 25 يناير وان لو تم الاستفتاء علي التعديلات معناها دستوريا ان دستور 71 اللي سقط هيصحي تاني.. المهم الاخوانجية والسلفيين وغيرهم دشنوا حملة طارق البشري وظهر بعد الاستفتاء ان كلام المعارضين طلع صح اضطر المجلس العسكري للاسف وهو اول من ضرب بالاستفتاء ونتيجته عرض الحائط وعمل اعلان دستوري بمواد جديدة غير التي تم الاستفتاء عليها بلغت 62 مادة وذلك لما شعر بعد الاستفتاء وكماحذر منه من قالوا لا ان شرعية المجلس العسكري نفسه الذي يدير شئون مصر بلا استناد لغير الشرعية الثورية وان احياء دستور 71 الذي يخلوا من اي نص يبيح للمجلس العسكري ادارة شئون البلاد فاضطر المجلس للاعلان الدستوري بمواده المختلفة ...طيب ما كان من الاول...

لا وايه  وفتحي سرور الجديد اللي هو طارق البشري الاخوانجي القديم وترزي القوانين يهددنا ويطلع ويكتب مقال بعنوان الخائفين من الديمقراطية يعني نتيجة الاستفتاء نفس كلام الحزب الوطني رد علي مقاله المحترم دكتور حسن نافعة في مقال بعنوان الخائفون علي الديمقراطية .. ياجماعة فيه مشكلة في الحركات الاسلامية اللي هيه اصلا فاشية ودكتاتورية ونازية ولازم نحاربها زي ما اوروبا بتحارب الآن الحركات النازية او تتجمع سياسيا لمحاربة اليمين المتطرف زي ما حصل من جاك شيراك امام لوبان جمع الشعب الفرنسي كله ضده لان افكاره المتطرفة هتقوض البنيان الديمقراطي والانساني لفرنسا ..
كله كوم والشيء الهلامي اللي زي....اففففففففف مش هقول اسمه....الشيخ صفوت حجازي اراجوز الاخوانواتباعهم
 تلاقيه في كل حتة يطلعلك كده زي القضا المستعجل
تفتح اي قناة تلاقيه
في ميدان التحريريطلع كده من اي مجاري
والله خايف افتح دورة الماية عندي يطلعلي في ايه بالضبط.. البلاوي المسيحة دي او "المصيحة" ماتفرقش ياراجل بطل رزقة وسبوبة بتهاجم الشباب المحترم غصب عنك وعن اللي بيحركوك ليه؟؟.. انت مين في مصر؟؟.. ياراجل شوفلك شوية مساويك ولا مسك زفر من الرخيص وبيعهم وافرش عليهم قدام اي زاوية وسيبك من موضوع اونطة اسمه مجلس امناء الثورة بتاعك علي فكرة دي ماركة جزمة ولا ايه ..
بتهاجم اسيادك من شباب الثورة اللي ليهم فضل عليك وعلينا وعلي الكل ليه ياراجل ارحل عنا ..افففففف!!

ليه بقي الاخوانجية يقولوا ان التظاهرات دي ضد الاغلبية وخروج علي نتيجة الاستفتاء مع ان المجلس العسكري هو اول من خرج علي نتيجة الاستفتاء ..

يااخوانجية بلاش عبط ملكومش اصلا في السياسة طول عمركو ياريت كفاية عليكة دفن الموتي تعليم الناس آداب الطهارة وسبيكوا من السياسة اللي كانت السبب في تعطيل الديمقراطية ةبعدين هو انتو اوصياء علي الناس مين اللي نصبكوا اوصياء انتو مين ؟؟

والمصيبة بعد النجاح المبهر لجمعة الغضب في كل محافظات مصر وفي ميدان التحرير اللي كان فيه ناس اضعاف عشرات المرات من الجمعة اللي قبلها ونظمها الاخوان بس يقوم موقعالاخوان اون لاين اللي فيه " اونه "!! ينشر من الصبح عنوان فشل جمعة الوقيعة !! ههه  نفس ممارسات الحزب الوطني همه دلوقتي الحزب الوطني في عهده الجديد !!

وعمار يامصر

جمعة الغضب الثانية اثبتت ان الشارع مش ملك الاخوان او السلفيين .

دي خدعة اطلقها النظام البائد

الهاردة الناس والشباب اصبحوا بيمارسوا السياسة ..

هل فهم الاخوانجية الواقع الجديد

مش هيفهمواا

ودي مني كحة الغضب !!

ممكن اكح للأخوان ومعايا بلال فضل هيكح برضه !

الغبار والسحابة السودا وريحة الزبالة المتكومة في اماكن كتير والتراب اللي بيثيره تشكيلات وميليشيات وناس بيحبوا يعفروا..
     كان لازم الواحد يكح ..!!
 الرئتين هينفجروا لو مكحيتش !!
كان زمان بيرهبونا وييجي الاب المتسلط او ناظر المدرسة او المعلم الالزامي اور القائد الملهم يقولولك ..اوعي تكح !
بس النهاردة بعد 25 يناير لازم نكح جميعا لاخراج التراب من الرئتين لازم نتنفس هوا نقي ومش هنقبل اي تيار او جماعة او سلطة او ضابط شرطة او غيره يقولك اوعي تكح ..متكحش معايا ..
                            لازم أكح....
او كحة  النهاردة للاخوان اللي فتحوا عنبر في المقطم بعيد عن الناس بعد ماكانوا في وسط الناس هنا في المنيل راحوا يبنوا دولتهم الجديدة في عنبر 13 في المقطم عاوزين يقولوا يعني احنا اللي هنحكم البلد دي ( مايحكمش ! )
والغريبة انهم الايام رغم كل الارتباك والقلق والضيق والاحباط اللي بيصيب ائتلاف شباب الثورة وكل الاحرار في مصر من اللي بيحصل همة ولا هنا ايه الموضوع بالضبط يارجالة وليه سبتم المنيل في وسط الناس ورحتم المقطم وساكتين ليه الايام دي..فيه ريحة صفقة في الموضوع ماهمة طول عمرهم مايتحركوش الا بالصفقات اللي تحت الترابيزة وفي السر حتي ايام الثورة وفي بدايتها عملوا صفقة جزء منها معلن والباقي في الخفاء مع عمر سليمان ياتري هيه اللي ماشية لغاية النهاردة وليه وقفوا ضد شباب الثورة بعد ما في الاول سكتوا ومرفعوش شعاراتهم بعد مشاركتهم المتأخرة بعد الثورة يوم 28 يناير ورجل هنا في الميدان ورجل هناك ورا عمر سليمان وياتري لما نزلوا التحرير في 28 يناير كان باتفاق مع نظام حسني مبارك ؟؟!!
المهم من علامات الاستفهام اشتراك واحد وشيء هلامي اسمه صبحي صالح اللي كان عضو مجلس شعب سابق وقال كلمته المشهورة لو الاخوان رشحوا كلب هينجح !!
ومن غير اي حيثيات ولاهو يمتلك اي مؤهلات في القانون سوي انه محامي عرضحالجي بيكتب قدام باب المحكمة لاي حد عاوز يعمل شكوي او واحدة عاوزة تكتب بلاغ في جوزها لكن اختيا ر ادلعدي ده بالذات بيأكد حكاية الصفقة بدليل اللي حصل بعد كده من تجييش الاخوان خلف كلمة نعم ووقوفهم وانخلاعهم من توافقهم مع شباب الثورة اللي الاخوان لما اشتركوا ( بأوامر ) في الثورة بعد مانجحت  بيحاولوا يركبوها ويسرقوها مع انهم بتوع حسني مبارك اللي وحدهم كانوا في الساحة معاه بيقاسموه نظامه السياسي وسيبك من الاتفاق بينهم علي المعارضة الصورية..
المهم استكمالا للكحة جبت اليوم كحة لبلال فضل لزوم اننا نكح جميعا ...معاك منديل !!
محمد امام نويرة
ـــــــــــــــــــــــــــــــــــــ
مقال بلال فضل في المصري اليوم :http://www.almasryalyoum.com/node/450016

حسبى الله ونعم الوكيل

بلال فضل

Wed, 25/05/2011 - 08:05

Select ratingPoorOkayGoodGreatAwesome

Poor

Okay

Good

Great

Awesome

ShareThis

Share

اطبعأرسل بالبريد

رجل المرحلة فى مصر الآن بامتياز هو المحامى الإخوانى «الرغّاى» الأستاذ صبحى صالح الذى اختاره المجلس العسكرى دوناً عن كل القانونيين الإسلاميين واليساريين والعلمانيين والماشيين جوه الحيط وجنب الحيط لكى يكون عضوا متفردا فى لجنة التعديلات الدستورية، ومن ساعتها والراجل طايح فى الخلق على جميع انتماءاتهم وميولهم، حتى حمدنا الله أن خلقه محاميا ولم يخلقه جنرالا، إذ لربما كان قد أصدر أوامر بإعدام المختلفين معه على طريقة «زنجة زنجة».

آخر عبقريات صبحى صالح الإخوانى الذى اكتوى بنار الإقصاء والتصنيف هو فيديو شاهدته له على الـ«يوتيوب» ينفث فيه نيران طاقته السلبية على أبناء جماعته هذه المرة، لنكتشف أن هناك من يؤمن داخل الإخوان بنظرية النقاء العرقى، ظللت أشاهد الفيديو مذهولا وأنا أسأل نفسى: كيف يمكن أن يرد إنسان على ما به من هراء دون أن يقع تحت طائلة الإعلان الدستورى الذى شارك الأستاذ صبحى فى كتابته، فأرسل الله إلىّ تدوينة بديعة كتبها صديقى الكاتب الموهوب البراء أشرف، وقد اختار لها عنوان (حسبى الله ونعم الوكيل) وقد استأذنته فى نشرها ليس من باب الثأر لكل أخ «فلّوطة»، وإنما لسبب نبيل تحمله السطور الأخيرة فى التدوينة. والله الموفق.

يقول صديقى «عمر كامل»: «إن أفضل ما حدث فى التحرير هو أننا تمكنا أخيراً من معرفة بعضنا». لم يكن عمر يقصد معرفتى به، لم تكن معرفتنا أصلاً بسبب التحرير. كان يقصد ببساطة أن المصريين تمكنوا من معرفة المصريين، وأن الجزر المنعزلة باتت قادرة على الاتصال ببعضها البعض. إذن، عندما يقول «صبحى صالح»، المحامى الإخوانى الشهير، وعضو لجنة تعديل الدستور المصرى، والعضو السابق بالبرلمان، إن على شباب الإخوان أن يتزوجوا فقط من الأخوات، وأن زواج الأخ من بنت غير إخوانية ولو كانت محترمة ومتدينة ومن بيت طيب يُعَطِّل النصر، واصفاً الأخ المذكور بـ«فلوطة»، وهى كلمة لا معنى مؤدب لها فى الواقع.. فإن هذا يعنى ببساطة أن الأخ صبحى لم يتمكن من معرفتنا. وهذا شىء محبط، مثلاً، عندما شاهدت فيديو «عفاف شعيب» الخاص بالبيتزا والكباب والريش، سألت نفسى السؤال ذاته: كيف سمحت لنفسها بقول هذه الترهات أمام كاميرا تنقل كلامها للشعب المصرى، هل تجهل عفاف شعبها؟ بحيث تقول هذا دون أن تدرك أن الرد الطبيعى عليها هو الرفض والسخرية. طيب، إذا كانت عفاف فنانة ليست ذات علاقة بالسياسة، وبالتالى فإنه ليس من الواجب عليها أن تراعى الذوق والذكاء فيما تقول، ماذا عن صبحى؟ الأستاذ صبحى الذى جلس فى البرلمان المصرى، ودخل المحاكم المصرية، ويعيش فى الإسكندرية ويعدل الدستور المصرى، كما أنه من الإخوان المسلمين فرع مصر، كل هذا ولا يدرك أن ما قاله يمكن توجيهه للشعب السعودى الشقيق مثلاً.. حتى إنه لو قاله فى السعودية فلن يسلم من أن البعض يعتبرونه عنصرياً.ما قاله «صبحى صالح» هو مزيج نادر بين ثلاثة مكونات بغيضة، أولها العنصرية، وثانيها التطرف، وثالثها التعصب. وقبل أى شىء، يغلفها جهل بطبيعة الشعب الذى ينتمى له المحامى الشاطر.. لذا، كان لابد من مكالمة. فى المساء، فكرت أن علىّ أن أكسب ثواباً بطريقة أو بأخرى، بحثت عن رقم تليفون الأستاذ صبحى صالح، وكتبت على الفيس بوك أخبر أصدقائى عن نيتى مكالمته فى الصباح وإخباره فقط أن «حسبى الله ونعم الوكيل». وفتحت مناقشة كانت نتيجتها 159 تعليقاً، و16 استحساناً، معركة كلامية طويلة حول ما إذا كان يجب أن أتصل به أم لا، فى النهاية كان الشعار الذى يملأ التعليقات هو: «الشعب يريد رقم صبحى صالح». فى الصباح، دخلت غرفتى وأحسنت إغلاقها، ثم طلبت الرقم وانتظرت، كانت توقعاتى كلها أنه لن يرد، أو على الأقل سيرد سكرتيره. لكنه رد بنفسه. قلت: اسمى براء، أعمل مخرجاً للأفلام الوثائقية، مواطن مصرى، ليست لدى مشكلة كبيرة مع الإخوان.. قال: تمام. قلت: أتصل بك لقول جملة قصيرة، أرجو أن يتسع صدرك لها: حسبى الله ونعم الوكيل.. قال: فى مَنْ؟ قلت: فيك.. ثم كررت الحسبنة ثلاث مرات.. وكنت أرتعش.2- لم أكن حتى هذه اللحظة واثقاً من جدوى ما أفعل. مالى أنا وصبحى وما يقول، هو حر، وأنا حر، هو يأمر الإخوان بالزوجات من الأخوات، ولا أنا من الإخوان ولا من الأخوات، إذن فليتزوج الأخ أخته وأريح أنا دماغى.. ما دفعنى للمكالمة فقط هو إخبار صبحى بأننى موجود. أعيش فى ذات العالم وأتنفس هواء نفس الكوكب، وأحمل جنسية كالتى يحملها.وأن هذه أسباب كافية تدفعنى للاتصال به وإخباره أن حسبى ربى. فكرت أن المحامى المحترم لا يعلم بوجودى، وهذه حقيقة، لو كان يعلم لامتنع عن قول ما قيل. وأن دورى فقط ينحصر فى إخباره بأن البلد واسعة، فيها هو وإخوانه، وفيها أنا وأصدقائى، وفيها أناس آخرون. كيف يسمح لنفسه إذن بقول ما يوصف بالعنصرية والتطرف والتعصب؟. قال: الإعلام يُحَرِّف كلامى. قلت: كلامك الأخير كان فيديو تتحدث فيه بصوت وصورة. كما أننى عرفته من فيس بوك وليس من جريدة ليبرالية ذات خلاف معك مثل «المصرى اليوم» أو غيرها. قال: لكنهم.. قاطعته: إذا كان الإعلام يحرف كلامك بالشكل الذى ينسب لك عشرة تصريحات كلها خاطئة، فالأولى أن تلتزم الصمت، ثم إنك محام تعلم أن الدخان دون نار أسطورة.. قال: كنت أهزر.. أخبرته بأنه ليس من حقه أن يهزر للأسف، وهو عضو فى لجنة تعديل الدستور، ثم سألته: هل ستمنعون فى الدستور زواج الإخوة من غير الأخوات؟.. وهل يعتمد الإخوان تفسيرك للآية الكريمة «أَتَسْتَبْدِلُونَ الَّذِى هُوَ أَدْنَى بِالَّذِى هُوَ خَيْرٌ»، حيث وصفت غير الأخوات بالأدنى والأخوات بالخير؟. ثم إنك تقول إن على الأخ أن ينصر الله على المجتمع، لكن، هل المجتمع فى حرب مع الله؟ ولماذا تؤكدون دائماً أن هذا مجتمع لديه مشاكل مع الله، ثم إذا كانت هذه حقيقة، فهل يمكن أن تكتفى بدورك كمحام، وتدع الله يقرر ما يشاء بخصوص المجتمع؟سَكَتُّ لحظة، والتقطتُ أنفاسى، قلت: أنا آسف، سامحنى، سنى صغير وأنت رجل محترم.. لكن حرام عليكم.. أتمنى أن يكون لى أصدقاء من الإسلاميين، لكننى أصبحت أخاف منهم، أفكاركم مخيفة، وأسلوبكم عنيف.. حكيت له أن جدى كان إخوانياً كبيراً اسمه «جابر رزق»، قال إنه يعرفه، وأضاف «الله يرحمه»، أخبرته بأنه لا جدى ولا رفاقه من رعيل الإخوان الأول قالوا مثل ما يقول فى مؤتمرات النصر فى الإسكندرية وإمبابة. وأن الدعوة إلى الله هى كما كتب رجل إسكندرانى عظيم اسمه «عباس السيسى» ذات يوم «دعوة حب». وللأسف فما قاله لا يعرف الحب، أكثر مما يعرف الكراهية.(3) ما أدهشنى أن الرجل تأثر فيما يبدو بكلامى الأخير، فقال: «أنا آسف». قلت له إننى لست فى حاجة إلى اعتذار، حيث أحاول مؤخراً أن أكتفى بالتأكد من أن النوايا طيبة. لكن البلد يحتاج إلى اعتذار منه ومن كل من قال كلمة فيها رائحة الفتنة والكراهية والعنصرية والتعصب والزهو السياسى المقيت. أنهينا المكالمة على وعد بلقاء لم يتحدد له موعد حتى نكمل نقاشنا.. فكرت أن أخبره قبل الإغلاق بجملة عمر كامل «إننا أصبحنا أخيراً نعرف بعضنا».. لكن، هل يعرف عمر نفسه الأستاذ صبحى؟.. هنا يمكن أن نلمس عمق المأساة. المكالمة ذاتها التى استحقها «صبحى صالح»، يستحقها أيضاً هؤلاء المثقفون على الفيس بوك، الذين لا يدركون أن هناك عالماً موازياً، يحمل أفكاراً مغايرة.الإخوان جزيرة، لا يعرفون أحداً خارجها، والمثقفون كذلك، الفيس بوك جزيرة كبيرة، كل واحد له من الأصدقاء ألف، وهم فى الغالب على شكله وأفكاره، قد لا تسمح له الفرصة باختلاف حقيقى.. لأنه، فى الحقيقة، لا أحد مختلفاً معه. ما يقال داخل الكنائس يبقى داخلها، وما يقال فى المساجد كذلك، كيف نزعم أننا إيد واحدة، إذا كنا لا نعرف بعضنا، كيف نعتقد أننا أحرار فى كلامنا، إذا كنا لا نعرف كيف يؤثر على الآخر. هذه الجزر يجب أن تتصل. جزيرة الإسلاميين وجزيرة المثقفين، جزيرة السلف وجزيرة الأقباط، جزيرة المجلس العسكرى، وجزيرة «تويتر».. كلنا واجب علينا أن نتصل، حتى وإن كان اتصالنا يبدأ بـ«حسبى الله ونعم الوكيل».belalfadl@hotmail.com